SEXTANTULI

SEXTANTULI

Graece Ε῾κτημόριοι, Athenis olim, qui et Thetae, quod vide. Sic autem dicebantur, quod aere alienô a divitibus oppressi aut illis arabant, Sextantem fructuum pensitantes, aut nexu corporis versuram facientes creditoribus addicti, partim ibi serviebant, partim peregrinis venundabantur; multi etiam liberos suos vendere, aut urbem deserere, propter foeneratorum crudelitatem, compellebantur. Cui malo ut obviam iretur, Archon electus Solon Olymp. 46. an. 3. praeter alia, Σεισάχθειαν, i. e. Oneris excussionem, introduxit, iussitque τὰ ὑπάρχοντα τῶ χρεῶν ἀγεῖςθαι, aes alienum, quod erat, ermitti, et novas tabulas fierii Eâdem lege et Mensurarum modum auxit et Monetae pretium. Quomodo cum obaerati redderent summam numero quidem aequalem, sed valore minorem, ipsi multum lucri faciebant, at creditores nihil laedebantur. Plura apud Plut. Solone.